Hau Nia Profile no Istoria ~ KOMPUTADOR BASIK

Hau Nia Profile:

Naran Kompletu                           : Apolinario dos Santos
Fatin Moris                                    : Lete foho, Ermera
Data Moris                                    : 14 Dezembro 1985
Ekola Ensino Basik                     : SDN Nusantara villa Lete foho
Ekola Ensino Pre-Secundaria   : SMP N. 30 de Agostu de 1999, Lete foho
Ekola Ensino Secundaria             : Finantil Comoro Dili, Ba Fali iha Nino Conis Santana Gleno ba Fali Cezar Maulaca Lete foho Ermera
Ekola Ensino Suprior              : Universidade da Paz (UNPAZ)

Fakuldade : Engeneiria
Departementu : Engeneiria Industrial

MOTTO MORIS

Pasiénsia no Hakraik-an Mak Dala Ba Ba Susesu

Lafaek News—Pasiénsia ne’e mak solusaun úniku hodi manan buat hotu-hotu ne’ebé koko no tenta halakon vontade ema ida-idak ne’ebé duni hela susesu liu husi estudu ne’ebé presiza tempu naruk no presiza duni hakraik an hodi la’o too objetivu ikus nian mak hasoru dalan susesu.

Susesu la monu de’it husi lalehan, susesu la simu hanesan prémiu ruma ne’ebé mehi iha tempu kalan, dalan susesu mak tenke kesi kabun husi hamlaha ne’ebé hamiis esperansa ida ne’ebé sei mosu iha futuru, maibé hakarak susesu mak tenke hili dalan ida hakraik an, flekisibilidade, vontade no pasiénsia.

Situasaun moruk ida tan mak hanesan Apolinário dos Santos ne’ebé ho naran estimadu Apolio, oan husi Marculino dos Santos no Deolinda Bicau da Costa, husi knua Aibet-pun Nalmo, aldeia Haupu, suku Haupu, postu administrativu Letefoho, munisipiu Ermera, maun alin hamutuk nain lima.

Bainhira, Apolio ho nia maun alin lima ne’e sei kiik, inan domin nain Deolinda Bicau da Costa husi maun ida no bin ida fila hikas kal tinan 4 hanesa nee mak mama fila hikas ba maromak nia kadunan santa, iha loron 20 fulan Setembru 1993, husik hela sira nain tolu moris ho aman Marculino, durante tinan naruk Apoilio ho nia maun alin tolu ne’e lakon inan domin nain ne’ebé sempre tane bikan ba sira nain tolu no sempre hatan sira nain tolu nia lian hanesan inan.

Apoilio nia idade komesa sa’e da-daun iha tempu ne’eba 1995, komesa hahú nia estudu iha SDN Riamori too iha tinan 1999, akontese situasaun funu ba libertasaun nasional prosesu aprendizajen iha SDN Riamori paradu tiha ema hotu la tama eskola, iha 2001 Apolio kontinua nia estudu iha eskola SD Nusantara Letefoho Villa too remata no kontinua eskola pre-sekundária konsege remata, no kontinua kedan nia eskola iha ensinu sekundária Finantil Aimutin Dili too klase II, akontese tan krize 2006, Apolio deside halai fila ba eskola iha ensinu sekundária Nino Conis Satana mak muda ba iha ensinu sekundária Cesar Maulaca Letefoho too remata, maibé diploma husi eskola Nino Conis Satana.

“Iha 2008 ha’u mehi atu ba eskola Universidade iha Indonézia maibé liu tiha ona, nune’e ha’u deside, teste iha UNTL foti fali turizmu teste la liu, entaun ha’u mai eskola fali iha UNPAZ iha fakuldade enjeñaria departamentu indústria, nune’e hala’o nia estudu nivel universitáriu ne’e too finaliza estudu iha 2012,” Apolio konta ba Lafaek News, iha nia kna’ar fatin Media Center UNPAZ, sesta (15/12/2023).

Apolio haktuir nia esperansa iha tinan 2009-2010, sai nudar treinador photoshop no programa MS.Office 2007 iha Hosana Bebora, iha sorin seluk, nia mos aprende kona-ba jurnalizmu iha departamentu rádiu iha esperiénsia natoon ikus hetan fiar husi UNPAZ, Apolio hala’o nia profissaun jornalista iha Rádiu Lian Dame UNPAZ iha 2010, halo reportajén semanál.

“Aliende, ha’u halo reportajen semana, ha’u mos ba tuir fali kursu IT iha Ulmarui Electronika Lecidere too remata, ikus hau ba koko vaga iha kompania operador Telemor, maibé la konsege servisu, entaun ami kria fali ami nia grupu privadu ida atu sura BoQ EDTL ba liña foun, maibé la permanensia, ikus ha’u mak hatama CV iha Universidade da Paz teste final kompostu husi eskrita no interview ha’u pasa iha 2014, ha’u servisu iha UNPAZ departamentu IT nian too ohin loron,” Apolio haktuir.

Aliende ne’e, iha tinan 2020, Apolio hetan fiar husi UNPAZ hodi fo hanorin materia computer basic ba fakuldade agrikultura iha semester III nian inklui hanorin iha Komputer dasar, iha administrasaun públiku too agita 2023 kontinua nafatin, maibé mantein servisu iha IT, bainhira iha oportunidade husi universidade Apolio prontu servisu.

“Uluk iha tinan 2009, ha’u sai hanesan poling staff suku nian, momentu ne’e, ha’u mos tradutor ba UNCR durante fulan 3,” Apolio haktuir.

Apolio dehan, konta istória kona-ba nia prosesu estudu nian bainhira nia inan domin husik hela sira nain tolu mesak ho nia aman, nune’e Apolio hetan atensaun maka’as husi nia aman halo servisu todan, lere kafé duut iha tempu udan no kuda kafé too kafé fuan tasak, kuu lori ba tetu kulit tasak hodi lori osan ba Apolio selu eskola husi semester I too III, maibé iha semester IV Apolio hetan ona oportunidade hanorin kursu bele ajuda ona nia aman hodi selu lisuk nia eskola too remata.

“Bainhira ha’u nia mama husik hela ami nain tolu sei kiik hotu, ha’u nia papa mak servisu maka’as ho ha’u nia alin sira hodi buka osan selu ha’u nia eskola husi SD too universidade, maibé tama ona ba semester III atu ba IV, ha’u mos aprende buka servisu hanesan hanorin komputador hetan osan ajuda ha’u papa selu lisuk ha’u nia eskola, iha 2010 ha’u mos servisu ona hanesan jornalista iha Rádiu Lian Dame UNPAZ nian, ha’u mos buka osan ajuda ha’u nia an, maibé ajuda nafatin husi ha’u nia papa ho ha’u nia alin sira too remata iha UNPAZ,” Oan ba datoluk ne’e haktenik.

Apolio dehan, osan ne’ebé selu nia eskola hetan husi kafé, bainhira iha fulan Jullu kuu kafé kulit tasak, papa komesa tetu ona hodi hetan osan, no osan hirak ne’e balun sosa aihan uma laran, balun responde lia fetsa-umane, maibé papa sempre prioridade ba Apolio nia eskola, ikus mai Apolio hetan duni servisu iha universidade ne’ebé nia eskola too remata.

Iha Apolio nia prosesu estudu, nia esforsu buka mos osan liu husi hadia nia kolega sira nia trabalho ou serbisu uma/ tugas hodi hetan netik osan uituan husi nia kolega sira, osan hirak ne’e tau hamutuk hodi selu fali nia eskola, Apolio iha prinsipiu rasik katak, hanesan mane foin sa’e liman rua kompleta no iha katuak hodi hanoin buka dalan oi-oin atu oinsa bele ajuda nia papa, labele dependénsia maka’s ba família, maibé koko atu ajuda fali inan-aman ne’ebé moris iha kondisaun difisil.

“ Hanesan estudante tenke buka tan skill seluk, ida mak ha’u hanorin ema no halo ema nia makalah, entaun ha’u hetan osan, razaun ida ha’u hili area IT, tanba ha’u nia departamentu produsaun mékaniku ou electricity, maibé haree hotu ba komputador, ha’u hetan komputador baziku, 123 too jaringan, entaun ha’u hili mak IT, entaun ha’u mos ba tuir formasaun barak, husi formasaun hirak ne’e ha’u implementa liu husi loke rental, ikus mai ha’u hatama fali CV ba universidade ha’u servisu fila fali iha universidade,” nia konfesa.

Mane Letefoho oan ne’e, iha mehi tolu bainhira nia sei tuur iha banku eskola primária, mehi ida primeiru mak hakarak tradutor, mehi ida segundu mak hakarak jornalista no mehi ida ikus mak hakarak sai mestre, maibé ikus mai sai fali IT nune’e konsege atinje mehi ikus nian hanesan mestre ida hodi hanorin fali alunus sira kona-ba komputador bazik iha UNPAZ no hanorin mos iha Fundasaun Dezenvolvimentu Futuru (FUNDEF) Bairo-pite kuaze tinan ida.

“Agora ha’u servisu ona iha UNPAZ, servisu ne’ebé ha’u mak halo instalasaun rede internet no instalsaun programa komputador, inklui kobre rede internet iha territoriu UNPAZ nian kompostu husi fakuldade 6 ho departamentu sanulu resin asesu hotu internet no fornese mos instalsaun programa komputador ba estudante sira bainhira sira presiza halo instalasaun laptop,” Apolio konfirma.

Durante Apolio hala’o nia sei estudu iha sekundáriu, nia hela ho família sira hanesan inan kiik, no iha universidade hela ho ema seluk ne’ebé laiha relasaun família hodi eskola, nune’e Apolio eskola too remata hafoin fila fali ba nia família, Apolio dehan hela ho ema tenke pasiénsia barak, konsidera ema ne’ebé ita hela ba ne’e hanesa ita nia inan-aman rasik, respeita tempu, ajuda servisu iha uma, maske situasaun difisil hanusa mos tenke pasiénsia atu bele hala’o estudu ne’e too finalidade.

“Ha’u nia esperiénsia moruk ne’ebé hasoru mak ha’u laiha inan ida, uluk ha’u sei eskola SD, dadeer atu ba eskola, ema seluk nia mama prepara matabixu ba oan sira, maibé ha’u hadeer mai ba eskola laiha mama atu tau matan ba ha’u, bainhira fila eskola ba uma, kolega sira bolu sira nia mama, hodi husu hahan, ha’u rona bainhira sira bolu sira nia mama, ha’u triste teb-tebes, entaun ha’u pasiénsia troka tiha ropa eskola nian hodi tein rasik hahan atu lori ba ha’u nia papa ne’ebé servisu hela iha toos,” Apolio konfesa.

Ikus liu, Apolio husik nia mensajen ida katak, kolega sira ne’ebé inan-aman sei kompleta hela, tenke respeita no tane sira as, hanesan Ha’u laiha inan ida hanesan kolega seluk tenke falta, maibé ha’u haree dala ruma kolega sira ladun respeita inan-aman, maske sira nia inan-aman seluk kompleta, maibé seidauk sente hanesan saida mak ha’u sente, bainhira ha’u nia inan-aman laiha ona, sente lakon liu buat hotu-hotu iha ha’u nia moris,” Apolio hakotu.

Check out this Picasion.com animated GIF:: Picasion.com GIF maker